अंग एक देश छेलै, चम्पा एकरोॅ राजधानी, ऊ स्मार्ट सिटी बनै लेॅ तरसी रहलोॅ छै

Bhagalpur News - जे अंग प्रदेश एक देश छेलै आरू चम्‍पा एकरोॅ राजधानी। ऊ प्रदेश आय बिहार केॅ उपराजधानी तेॅ दूर, एक स्मार्ट सिटी बनै...

Jan 24, 2020, 06:51 AM IST
Bhagalpur News - ang is a country champa acro is the capital o smart city stay there

जे अंग प्रदेश एक देश छेलै आरू चम्‍पा एकरोॅ राजधानी। ऊ प्रदेश आय बिहार केॅ उपराजधानी तेॅ दूर, एक स्मार्ट सिटी बनै लेॅ तरसी रहलोॅ छै। आरू बात तेॅ छोडी़ दौ,एकरोॅ भाषा अंगिका के साथेॅ जे अन्‍याय होय रहलोॅ छै,ई तेॅ आरू दुर्भाग्‍यपूर्ण छै। कोय अंगिका के उपभाषा बताय रहलोॅ छै, कोय एकरोॅ भूभाग हथियावै केॅ फिराकोॅ मेॅ छै, तेॅ कोय एकरोॅ लोक साहित्य केॅ चोराय रहलो छै। आरू ई सब यै लेली होय रहलो छै कि नै तेॅ ई क्षेत्र के राजनेता केॅ एकरोॅ सुरक्षा लेली कोय चिंता छै,नै तेॅ अंगिका भाषियेॅ ई बातोॅ केॅ समझी रहलोॅ छै। जोॅन दिन ओकरोॅ भाषिक पहचान खतम होय जैतै,ऊ दिन ओकरो संस्कृति,भूगोल सब्‍भें कुछ अलोपित होय जैतै। हेनोॅ कठिन समय मेॅ अंगिका महोत्सव हेनोॅ औजार बनेॅ पारेॅ कि हम्‍मेॅ उत्तर,मध्‍य आरु दक्‍खिन अंग प्रदेश के भू भाग केॅ ई बताबवोॅ पारों कि अंगिका भलेॅ ऊ-ऊ क्षेत्रोॅ मेॅ दोसराे- दोसरोॅ नामोॅ सेॅ पुकारलोॅ जैतेॅ रहेॅ छै,ऊ अंगिका ही छेकै। ई बात अंगिका महोत्सव अायाेजन समिति के संयोजक गौतम सुमन ने आय कचहरी परिसर मेॅ अधिवक्ता संघ आरू बार एसाेसिएशन केॅ ओरी सेॅ महोत्सव केॅ लेकेॅ आयोजित बैठक मेॅ कहलकै।

बात अापनों अंग के ...

अंगिका आंगी सेॅ कै भाषा निकल्‍लोॅ छै, ई तेॅ सब्‍भेॅ भाषाविद्‍ मानै छै: डाॅ. अमरेंद्र


बार एसाेसिएशन केॅ अध्‍यक्ष ने कहलकै-अंगिका संबंधी कार्य अभूतपूर्व रहलो छै

डाॅ. अमरेन्द्र कहलकै कि हेनोॅ पुरनका भाषा केॅ बचाना नै खाली अंगिकाभाषी केॅ के बनै छै,मतुर केन्‍द्र आरू बिहार सरकारो केॅ भी। अध्‍यक्षीय उद्‌गार मेॅ बार एसाेसिएशन केॅ अध्‍यक्ष अभयकान्‍त झा नेॅ उत्तर,मध्‍य आरू दक्‍खिण अंग प्रदेश के केत्‍तेॅ नी साहित्‍यकारोॅ के बारेॅ मेॅ जानकारी देलकै। ई अवसर पेॅ इन्‍द्रजीत कुमार दास, प्रवीण कुमार,सैयद मोतहर अली, आनंद मोहन झा, दिलीप कुमार,दिनेश कुमार,त्रिलोकीनाथ दिवाकर,प्रीतम विश्‍वकर्मा,कैलाश ठाकुर,कुमार गौरव, डाॅ.गौतम कुमार यादव, अरविन्द कुमार झा,देवेन्‍द्रनाथ दास,देवेन्‍द्र नाथ दिलवर आरनी मौजूद छेलै।

वरिष्ठ अंगिका साहित्‍यकार डाॅ.अमरेन्द्र ने कहलकै कि अंगिका भाषा के इतिहास मेॅ कै एक ठो नामोॅ सेॅ जानलोॅ गेलोॅ छै,जेकरे एक नाम छेकै-अर्द्‍धमाग्‍धी। अर्द्‍धमाग्‍धी यानी आधो मगध के भाषा। हुनी कहलकै कि हमरा याद रखना चाहियोॅ कि जब अंग केॅ राजा ब्रह्मदत्त ने मगधराज भट्‍टीय केॅ पराजित करी मगध के अपना मेॅ मिलाय लेलकै,तबेॅ भट्‍टीय पुत्र बिम्‍बिसार नेॅ ब्रह्मदत्त के मंत्री केॅ आपनोॅ पक्ष मेॅ करी नै खाली ब्रह्मदत्त के पराजित करलकै।अंग पेॅ ओकरोॅ राज होय गेलै। बिम्‍बिसार केॅ पुत्र अजातशत्रु नेॅ तेॅ चम्पा केॅ ही मगध के राजधानी बनैलकै आरू धीरे-धीरे अंग संस्कृति अर्द्‍धमाग्‍धी के नामोॅ से प्रचलित हुएॅ लागलै। यहाँ तक कि जे अंगिका बुद्‍ध के समय मेॅ आंगी नाम सेॅ जानलोॅ जाय छै,वहू अर्द्‍धमाग्‍धी सेॅ यानी अंगिका आंगी सेॅ कै भाषा निकल्‍लोॅ छै। ई तेॅ सब्‍भेॅ भाषाविद्‍ मानै छै।


अंगिका महोत्सव को लेकर बैठक करते अधिवक्ता अभय कांत झा, गौतम सुमन, डॉ. अमरेंद्र व अन्य।

Bhagalpur News - ang is a country champa acro is the capital o smart city stay there
Bhagalpur News - ang is a country champa acro is the capital o smart city stay there
Bhagalpur News - ang is a country champa acro is the capital o smart city stay there
Bhagalpur News - ang is a country champa acro is the capital o smart city stay there
Bhagalpur News - ang is a country champa acro is the capital o smart city stay there
X
Bhagalpur News - ang is a country champa acro is the capital o smart city stay there
Bhagalpur News - ang is a country champa acro is the capital o smart city stay there
Bhagalpur News - ang is a country champa acro is the capital o smart city stay there
Bhagalpur News - ang is a country champa acro is the capital o smart city stay there
Bhagalpur News - ang is a country champa acro is the capital o smart city stay there
Bhagalpur News - ang is a country champa acro is the capital o smart city stay there
COMMENT

आज का राशिफल

पाएं अपना तीनों तरह का राशिफल, रोजाना