अंगप्रदेश केॅ महिला लेखिका आपनोॅ लेखनी सेॅ अंगिका साहित्य केॅ करी रहलोॅ छै मजगूत

Bhagalpur News - एक पेॅ एक ग्यारह...आबोॅ, जानै छियै आपनोॅ अंगप्रदेश केॅ महिला कलमकार आरो हुनकोॅ रचना-संसार केॅ  अंगिका...

Feb 23, 2020, 06:56 AM IST
Bhagalpur News - women writer from angapradesh you should write a letter from angika literature
एक पेॅ एक ग्यारह...आबोॅ, जानै छियै आपनोॅ अंगप्रदेश केॅ महिला कलमकार आरो हुनकोॅ रचना-संसार केॅ




अंगिका मेॅ अभी आरो नया-नया स्त्री-कलम उतरी रहलोॅ छै


मानै छियै कि मरदाना रोॅ कलम तेॅ कलमे छेकै, मतर पूछै छियांै डाॅ. विद्या रानी नेॅ जेन्होॅ ‘नटुआ दयाल’ उपन्यास अंगिका मेॅ लिखलेॅ छै, ‘कारोॅ कबूतर उजरोॅ पांख’ हेनोॅ कहानी संग्रह देलेॅ छै, डाॅ. मृदुला शुक्ला नेॅ ‘फीनिक्स’ हेनोॅ गपस उपन्यास देलेॅ छै, आरो डाॅ. आभा पूर्वे ने ‘गुलबिया’ हेनोॅ मंजलोॅ उपन्यास, होनोॅ अंगिका मेॅ कोय मरदाना लेखक रोॅ उपन्यास छेवो करै की, जेकरा पढ़ी के जिनगी भर मोॅन गनगनैते रहेॅ ? बाइबिल के अनुवाद करी केॅ सुजाता कुमारी नेॅ अंगिका केॅ इंगलैंड भेजी देलकै, घर बैठले-बैठले। हे ननद मरदाना मेॅ कोय हेनोॅ लेखक बतावोॅ। सुनोॅ हे ननद, अंगिका मेॅ अभी आरो नया-नया स्त्री-कलम उतरी रहलोॅ छै, बेगुसराय के रंजना सिंह के नाम सुनले होवोॅ, जरा खुली केॅ हिनका सिनी केॅ सामना मेॅ आवै लेॅ नी दौ, तबेॅ पता चलतै कि ऐंगनोॅ जीततै कि बंगला? इखनी फगुआ मेॅ चैतावर जत्तेॅ इठलाय लौ, गावी लौ। हों।


अंगिका में कविता, कहानी, गजल आरो उपन्यास लिखी केॅ अंगिका भाषा केॅ  विदेशो तांय पहुंचाय रहलोॅ छै


पुरैनियावाली भौज उधियैये तॅे गेली, अखबार पढ़थैं देहोॅ के गरमी सीधे मगजे पर तेॅ चढ़ी गेलै आरो गरमी मगज पर चढ़थैं, सब ननद रोॅ बुद्धि तितिर-वितिर। बोलेॅ तेॅ लागली, मरदाना लेखक के तेॅ यहा कमजोरी छेकै, जनानी लेखक हिनका सिनी केॅ सुझैवे नै करै छै, जेना लागै छै, अंगिका के गोवर्द्धन हिनका सिनी उठैलेॅ रहेॅ, अरे बांसुरी नै बजेॅ तेॅ बुझोॅ वृंदावने सूनोॅ, बात बुझत्हैं नै छैं। हटाय दौ मीना तिवारी केॅ, सांत्वना साह केॅ, डाॅ. आभा पूर्वे केॅ, इंदुवाला झा केॅ, डाॅ. मीरा झा केॅ, नौगछियावाली मीरा झा केॅ, उलूपी झा केॅ, मृदुला शुक्ला केॅ, हठाय दौ डाॅ. ओमा प्रेमवदा केॅ, सरिता सुहावनी केॅ, डाॅ. प्रतिभा राजहंस कॅे, डाॅ. विद्या रानी केॅ, नूतन पांडे केॅ, सरिता मंडल केॅ, रंजना सिंह केॅ, सुजाता कुमारी केॅ, माधवी चैधरी केॅ, शतदल मंजरी केॅ आरो सोमा गुप्ताहौ केॅ, तबेॅ देखोॅ कि अंगिका रोॅ साहित्य केन्होॅ हवांक लागै छै।
हे छोटकी ननद, तोरा तॅे है सब कुछुवो नै बुझैथौं, है सब बुझै वास्तेॅ वक्ते कहाँ छौं? मतुर हमरोॅ जी तेॅ खोखरै छै। गलत तेॅ छेवै नी करै, ननद, आबेॅ तोहीं देखोॅ, सुंदर-सुंदर गीत के लिखतै, तेॅ माधवी चैधरी; कहानी-उपन्यास के लिखतै, तेॅ डाॅ. मृदुला शुक्ला, डाॅ. विद्या रानी, डाॅ. आभा पूर्वे, डाॅ. मीरा झा; कविता के लिखतै, तेॅ सरिता मंडल, संयुक्ता भारती, शतदल मंजरी; सुंदर-सुंदर अनुवाद के महल के खाड़ोॅ करतै, तेॅ सुजाता कुमारी, माधुरी जायसवाल, सरिता सुहावनी; तेॅ साहित्य के इतिहास मेॅ हिनकासनी के योगदान सोना रोॅ कलम सेॅ नै लिखी केेॅ सनसनाठी सेॅ कैन्हैं लिखलोॅ जाय छै?

नूतन पांडेय: परदेश में रहियो केेॅ लगातार अंगिका कथा रो लेखन।

माधवी चौधरी: दोहा आरो गीत लेखन लेेॅ लोकप्रिय कवयित्री।


डाॅ. मीरा झा: भाषा विमर्श, कहानी, अनुवाद, आरो अंगिका लोककथा सम्पादन ।

सांत्वना साह: बालगीत कवयित्री। आकाशवाणी सेेॅ अंगिका के प्रसार में योगदान।

डाॅ. मृदुला शुक्ला: उपन्यास, कहानी, काव्य, बालगीत-सृजन लेली लोकप्रिय लेखिका।

संयुक्ता भारती: गजल आरो हायकू मुक्तक लेली चर्चित कवयित्री।

डाॅ. प्रतिभा राजहंस: अंगिका मेेेॅ समीक्षा आरो कहानी लेखन लेली चर्चित।

डाॅ. विद्या रानी: उपन्यास आरो कहानी लेखिका। ‘कौशल्या’ अंगिका प्रबंध काव्य।


सुजाता कुमारी: बाइबिल केेॅ अंगिका मे अनुवाद लेली लोकप्रिय।

डाॅ. आभा पूर्वे: तीन अंगिका उपन्यास लेली प्रसिद्ध कथा लेखिका।

सरिता मंडल: निर्गुण भक्ति पद रोेॅ लोकप्रिय अंगिका कवयित्री।

डाॅ. अमरेंद्र/अंगिका के वरिष्ठ साहित्यकार


बात अपनोॅ अंग केॅ**

बाय इन्विटेशन
**

Bhagalpur News - women writer from angapradesh you should write a letter from angika literature
Bhagalpur News - women writer from angapradesh you should write a letter from angika literature
Bhagalpur News - women writer from angapradesh you should write a letter from angika literature
Bhagalpur News - women writer from angapradesh you should write a letter from angika literature
Bhagalpur News - women writer from angapradesh you should write a letter from angika literature
Bhagalpur News - women writer from angapradesh you should write a letter from angika literature
X
Bhagalpur News - women writer from angapradesh you should write a letter from angika literature
Bhagalpur News - women writer from angapradesh you should write a letter from angika literature
Bhagalpur News - women writer from angapradesh you should write a letter from angika literature
Bhagalpur News - women writer from angapradesh you should write a letter from angika literature
Bhagalpur News - women writer from angapradesh you should write a letter from angika literature
Bhagalpur News - women writer from angapradesh you should write a letter from angika literature
Bhagalpur News - women writer from angapradesh you should write a letter from angika literature

आज का राशिफल

पाएं अपना तीनों तरह का राशिफल, रोजाना